GEN MOSES ALI AKEBEMBERAHO EKIGOMBE KY’ABAHEKYERA EKYA (UNRF)
Ekyabaire nikirwanisa Gavumenti ya Obote
Gen Moses Ali obaire eri engazi eihanga wa kashatu arugiire omu magara gensi ahizoba ry’ebiiro 18/07/2026 bwanyima y’okutwarwa omwirwariro Nakasero Kampala arikubi. Gen Moses Ali akazarwa ebiiro 05/04/0937 omukyaro kya Atabo omu divijoni ya Pakele obwahati erikumanywa nka Adjumani Disiturikiti kandi aferire aha myaka 87 y’obukuru.
Omugyenzi Moses Ali akorire gavumenti ya Uganda obwire buringwa ahu abasize kukora nka engazi eihanga ya kashatu kuruga okwakatano omwaka 2011 kuhisya okwamukaga 2016. Kuruga 2016 kuhisya 2021 akakora nka Engazi eihanga kandi atwire eri omuny’ishengyero ahabwishaza erya Moyo omu disiturikiti eya Adjumani kuhisya ahu aferire.
Mukuru weihanga Yoweri Kaguta Museven omu kabineti ensya y’aba minister taratoraine Gen Moses Ali kwonka akatorana omutabani Siraji Musa Ali nka Minisita weby’entambura hamwe n’eguudo.
OKUSHOMA KWE
Gen Moses Ali akahereza ahishomero rya Erepi church of Uganda primary school ekibiina kya Mushanju nikwe kuza Old Kampala sec ahu yatungire satifiketi yebyobwegyese. Akashomeraho Quran ahari Madara nikwe kutunga abaruha yobushomesa obwe atakagiire omu mahe omu mwaka gwa 1968.
Moses Ali abaire ari omunyaqbiragiro otendekirwe ahu yatungire diguri yebiragiiro ahitendekyero erya Makerer University.
EBY’EKINYAMAHE
Ogu omu mwaka gwa 1974 bwanyima y’okuraba omu matendekyero gatari gamwe na gamwe omu mahanga nka Isreal hamwe na United Kingdom ag’ekinyamahe ahu yatungire eidara rya Brigadier omu butegyeki bwa Idi Amin.
Omu bwire obu omugyenzi Idi Amin aba ari mukuru weihanga, Gen Moses Ali akaba minisita weby’esente, oweby’oburambuzi, kandi akaba ari omuserukare mukuru omubwire obwe. Bwanyima ya gavumenti ya Idi Amin kurugaho omu mwaka gwa 1979, Gen Moses Ali akaza omu buzaahe omwihanga rya Sudan ahu yarugire arikwebembere Ekigombe ekyabahekyera ekya Uganda National Rescue Front (UNRF) omu mwaka gwa 1980.
Gavumenti ya NRM eyebembirwe Gen Yoweri K Museveni kuyatwire obwebembezi omu mwaka gwa 1986, Gen Mose Ali niwe yabandize kuruga omu kishaka akakora endagano yobusingye na NRM. Omu mwaka gwa 1988 abaserukare ba Ali abuyabaire aine omukishaka bakarugayo bakwatanisa na gavumenti okuretaho obusingye omu kicweka ekya West Nile.
Kuruga obwe nokuhisya ahu aferire Gen Moses Ali atwire ari kukorera gavumenti egi aha rurengo rwahiguru kandi omuhabuzi wa puresidenti Museveni aha nshonga zebyokwerinda hamwe nenshonga za West Nile. Mukuru weihanga omu butumwa bwe obwarabize aha X ayorekire obusisi aahabwihanga kuferwa omuntu wamani kandi obaire nakunda eihanga erye. Gen Moses Ali abaire aine abakazi 4 abamuherize abaana 30.
