ABEEGI 185 BAHERIZE EMISHOMO YAABO AHARI BUGONGI COLLEGE OF NURSING AND MIDWIFERY
Nebya: Christopher Ahimbisibwe
Okushemererwa nikwe kurebukiire aha maisho gabazaire hamwe nabashaho ababaire nibatunga amabaruha bwanyima y’okumarira emishomo yaabo ahari Bugongi college of nursing and midwifery. Abeegi 181 batungire amabaruha gabo agaharurengo rwa Satifiketi kandi abeegi 4 batunga ababaruuha aha rurengo rwa Dipuroma.
Mr Tasos Ioannidis orikwebembera Ekigombe ekya AMG international omunsi yoona kuruga omu USA, hamwe na Fotis Romeos abarikushagiika eitendekyero eri nibamwe abaire ayebembire Omukoro gwokujweka abeegi aba. Ogu gubaire guri omurundi gwa 3 eitendekyero eri ririkujweka abeegi abarikushoma obushaho.
Dr.Reuben Musiime ori Direkita weitendekyero eri kandi orikwebembera ekigombe ekya AMG International omu Uganda, asimire abazaire ahabwokurundana sente bakashomesa abaana babo. Aha mukoro nigwe gumwe bajurire abazaire hamwe nabeegi bus edaijo ei aba AMG international baherize eitendekyero eri kuhwera eitendekyero kukora gye emirimo yaabo. Aba basimire minisiture yebyobwegyese hamwe nemizano ahabwokubakwatiraho bakabasasira emishoro yoona ebaire eri eya bus egi.
Oijuke ngu Bugongi college of nursing and midwifery ekatandiika omu 2016 kandi eitendekyero eri nirishangwa omukyaro ekya Kyamurari aha ruguudo rwa Kabwohe -Kitagata omuri Bugongi town kanso Sheema Disiturikiti.
